مين عايز ثورة فى مصر ؟؟ وليه ؟؟
 |
| ثورة مصر |
مين عايز ثورة فى مصر ؟؟ وليه ؟؟هو
ده السؤال اللى لو عرفنا اجابته .. هنفهم ايه اللى بيحصل .. بعد ما سمعت ناس كتير
قوى : جهات رسميه ونص رسميه وربع رسميه وقريبه من الجهات الرسميه ومصادر مطلعه
وناس جاهزه وفضائيات وراديو وانترنت واصحاب وجيران والناس الحلوه .. بعد كل دوووول
وناس تانيه كتير .. احب اقولكم رأيي :
امريكا عايزه ثوره فى مصر ؟؟ لا
طبعا مش عاوزه ثوره فى مصر
اسرائيل عايزه ثوره فى مصر ؟؟ لا
طبعا مش عايزه ثوره فى مصر
الاتحاد الاوروبا – روسيا – الصين
عايزين ثوره ؟؟ لا طبعا مش عاوزين .. ممكن الصين محايده شويه ( منتظره الكسبان )السعوديه والخليج والدول العربيه
عاوزين ثوره فى مصر ؟؟ لا طبعا .. دول بيدفعوا عشان ميبقاش فى ثوره فى مصر (
توصلهم هناك )ايران عايزه ثوره فى مصر ؟؟ لا
طبعا مش عاوزه .. ايران عاوزه ثوره الاسلاميين/الشيعه فى مصر .. وده طبعا مستبعد
شويه ( نصف العمى ولا العمى كله )
تركيا عايزه ثوره فى مصر ؟؟ يعنى
ممكن مش عاوزه ثوره كبيره قوى .. هى عاوزه شريك عربى كبير تحيي بيه امجاد الدوله
العثمانيه/الاسلاميه/العظمى ( أيام المجد يعنى ) .. انما مش عاوزه مارد مصرى
يأكلها ويستولى على المنطقه .الدول العربية الثائره ... ؟؟
أيوه عاوزين ثوره .. نصف الثورات العربيه ماتت بسبب ضعف الدور المصرى بعد الثوره
ليبيا / تونس / اليمن / سوريا .. ( الشعوب تنتظر
دور مصر لأنها تعرف معنى ثوره مصر .. وليس الانظمه الحاكمه حتى الجديد منها )بعد ما عرفنا كل الناس موقفهم
ايه ؟؟ ومعظمهم مش عاوز ثوره فى مصر .. ليه مش عايزين ثوره مصر ؟؟ عشان مصر هتبقى
أقوووووووى .. يعنى موازين القوى هتتغير .. مش بس فى الاقليم .. فى العالم كله
لازم يتعمل حساب مصر لما تبقى " كونكتيد على الانترنت " يعنى لما نستخدم
موقعنا الاستراتيجى ( مصر فى منتصف العالم .. يا عاااااااااااااالم ) .. المهم هما
عاوزين مصر كويسه بس يمكن التحكم فيها .
جميل قوى نشوف داخل مصر بقى ..
مين عاوز ثوره فى مصر ؟؟
السلطه الحاكمه ( مجلس عسكرى
ومبارك وحزب وطنى ورجال اعمال وسفارات ومراكز قوى وغيرهم ) .. مش عاوزين ثوره فى
مصر .. كفايه كده .. احنا هنظبط الكلالالام بس انتوا اتقلوا شويه ؟؟ ( اللى خدتوه بط بط .. هنطلعه وز وز )
الاخوان والسلفيين ورجال الاعمال
الشرفاء والصحفيين الكبار .. لا مش عاوزين ثوره .. كفايه كده احنا خدنا الكراسى
وهنظبط البلد .. بس انتوا اتقلوا واحنا هندخل فلوسنا اللى برا وحبايبنا ومعارفنا
هييجوا وهنظبط البلد .. بس انت لا تجادل ولا تناقش يا أخ على ..
الكنيسه والازهر .. برضه كفايه
كده شويه .. وبعد كده الكنيسه ممكن تهدد باعتصامات وكده لو حست انها اتظلمت شويه (
دولة البابا يعنى ) زى ما كانت قبل الثوره .. يمين يمين .. شمال شمال .. والازهر برضه
أخوه .. ابعد عن السياسه يا محسن إلا السياسه بتاعتى انا بس .
الموظفين فى البلد عايزين ثوره (
6 مليون حكومه + 6 مليون خاص ) .. الاغليبيه مش عاوزين ثوره .. احنا نحب الثوره ..
بس تيجى على مزاجنا ( يعنى تظبيط وكده بس
فى السريع ومن غير تضحيه .. عشان العياااال )
الشباب عايز ثوره ؟؟ .. جزء من
الشباب مش عاوز ثوره .. وجزء تانى كبير من الشباب ( متنوع جدا ) عايزين ثوره ..
لييييه ؟؟ عشان مش عاجبهم الوضع
وعايزين نظام جديد ..
مشكله الجيل ده أنه شاف الدنيا
اللى برا ؟؟ انا اقدر أحجز شقة فى
البرتغال وعربيه واركب تليفون وافتح شركه هناك .. كل ده واكتر اقدر اعمله فى نصف ساعه على
الانترنت .. لكن هنا فى مصر عشان اطلع بطاقه .. لازم اروح القسم وتقعد 15 يوم
ويمكن اتمسك هناك فى القسم !!! أقدر أعرف
سر القنبله النوويه فى 3 دقايق واحنا هنا مش عارفين نوصل الغاز للبيوت وازمه
انابيب وبنزين والدنيا وااالعه ..
شايف قدامى الناس عايشه ازاى
وبتروح فين وبتلبس ايه ؟؟ وبتشتغل بكام وبتصرف كام ؟؟ الشوارع والبلاد والاختراعات
وموبايلات وهنود وتكنولوجيا وتركيا والبرازيل وابو تريكه ومشفناش كاس العالم وشفنا
العباره وقطر الصعيد وصفر المونديال واحمد عز وتييت راديو وسمعنا من ناس كتير جدا
وحورات كتيره قوى .. تاريخ مصر والامه العربيه والاسلاميه وامجاد وانتكاسات .. وعرفنا
حاجات كتير .. وصلنا فى الاخر ان كل ده .. مش هيوصلنا اننا نبقى دوله كبيره .. زى
بقيه دول العالم وزى ما كنا .. عندنا الطريقه بس مش عارفين نطبقها هنا .. ليه ؟؟ عشان
بيقولك البتاع قافش .. بتاع ايه يا عمنا ؟؟ قااااافش .. طوووويب
وبعد ما عرفنا مين عايز ثوره فى
مصر ؟؟ وليه ؟؟ سواء فى الداخل او فى الخارج .. ممكن حضرتك تقعد مع نفسك ..
وتحسبها كده وتعرف انت عاوز ثوره فى مصر ؟؟ ولييييييييييييييه ؟؟؟
 |
| ثورة ثورة جتى النصر |
ليست هناك تعليقات:
إرسال تعليق